10 Sidalian Boasa Pangaratto Maol Mulak Tu Huta : #SeninBerbahasaDaerah6

10 Alasan Boasa Pangaratto Maol Mulak Tu Huta - Sumber Gambar www.renunganhariankristen.net

Sumber Gambar www.renunganhariankristen.net

Hasea Di Pangarantoan Ale Huta Na Dang
Martabe : Marsipature Huta Na Be

Boasa pangaratto maol mulak tu huta
Sada sungkun-sungkun na ringkot
Rampak hita alusi be ma dirohanta
Ale unang ma gabe ingkon maningkot

Horas Mas Bro dan Mbak Bro.

Boasa pangaratto maol mulak tu huta?

Godang do naposo na lao mangaratto tu kota. Adong na marsingkola adong muse ma na gabe karejo. Dang otik sian halaki na gabe hasea. Di angka ulaon na be.

Ise naso mamboto godang angka halak na hasea di kota. Halak Batak godang na gabe pengacara. Halak Padang hasea marusaha rumah makan. Halak Jawa godang na hase di pamarenta.

Alai boasa godang na hasea i maol mulak tu huta?

Jadi adong ma 10 alasan boasa pangaratto maol mulak tu huta. Aha mai?

10 Alasan Boasa Pangaratto Maol Mulak Tu Huta - Sumber Gambar aidafitria-gunadarma.blogspot.com

Gambar aidafitria-gunadarma.blogspot.com

1. Kondisi Ni Huta

Perbandingan sian segi pandapotan (ekonomi), bangun-bangunan (infrastruktur), dohot adat memang dao do huta tinggal sian kota. Alani i do godang hita lao tu kota lao mangadu nasib. Asa gabe lam denggan. Asa boi mangurupi ngolu-ngolu ni natua-tua dohot keluarga na dihuta.

Memang dang boi hita gabusi dirinta. Molo kondisi di huta hurang denggan sian di kota. Alai kan justru i ma nian alasan ta gabe mulak tu huta. Lao padengganhon huta ta be?

Dang i?

10 Alasan Boasa Pangaratto Maol Mulak Tu Huta - Sumber Gambar mediabnr.com

Sumber Gambar mediabnr.com

2. Maila

On ma sada alasan na mansai maol memang dialusi. Ala timbo do posisi ni angka pangaratto dimata ni angka parhuta. “Nunga hasea be”, “Nunga jago be”, dohot angka “Nunga …” na asing.

Adong do pingkiran naso boi hita gabusi dibagasan roha ta be manang pingkiran ta be. Sada hailaan mulak tu huta. Apalagi ma molo dang ittor hasea. Dang boi dope mambaen mangan keluarga, dang mulak marmobil, jala dang boi dope mambayar minum ni angka dongan dikode.

Botul?

10 Alasan Boasa Pangaratto Maol Mulak Tu Huta - Sumber Gambar anakbertanya.com

Sumber Gambar anakbertanya.com

3. Um Tabo Tinggal Di Kota

Sian segi dia pe nian memang godang do talu ni huta sian kota. Dang boi hita gabusi dirinta molo mengenai i. Maol dapot karejo, gelleng gaji na, dang adong perkembangan, jala maol dapot informasi.

Alai sada naso boi hita lupa, pardonganan dohot kekeluargaan dao do monang hita di huta sian dikota.

Botul?

10 Alasan Boasa Pangaratto Maol Mulak Tu Huta - Sumber Gambar log.viva.co.id

Sumber Gambar log.viva.co.id

4. Gabe Aha Di Huta?

Sada sungkun-sungkun na mansai maol do memang alusan on. Dang boi songon na mutar tangan on. Nga maol dapot karejo du hita. Um maol muse mai di huta.

Alai sude i nian mulak-mulak tu dirinta be do. Sada nian parjolo ba jolo hasea be ma dihuta asa mulak tu huta. Asa adong mulak tu huta lao mambangun karejo na baru. Jala adong modal lao marsipature huta na be.

Alai dang sada sala na balga molo mulak tu huta molo so hasea. Boasa?

Nunga godang pengalaman na hita  boan sian kota. Cukup doi gabe modal ta huta. Godang do na hasea dikota holan martiga-tiga goreng. Alai singkola do anak na sahat tu na kuliah. Adong do na holan mangajar sian jabu tu jabu. Gabe hasea do anakna sahat tu sarjana.

Tergantung hita do, olo mamulai sian non manang daong?

10 Alasan Boasa Pangaratto Maol Mulak Tu Huta - Sumber Gambar farouqrosyadi.blogspot.com

Sumber Gambar farouqrosyadi.blogspot.com

5. Maol Mangurus Pinda

Sada alasan na mura alusan ma nian on. Na mangurus lao pinda tu huta on, dang na maol alai agak leleng ma memang waktu na.

Molo memang nga balga jaa hot do rohanta laho mulak tu huta. Aha maol ni mangurus pinda. Tinggal pajuppang tu uluan na be do molo mangurus pinda sian kantor, singkola, dohot pamarenta setempat.

“Molo so hita na marsipature huta be, ise be?”

@kekitaan_

10 Alasan Boasa Pangaratto Maol Mulak Tu Huta - Sumber Gambar plus.google.com

Sumber Gambar plus.google.com

6. Maol Berkembang

Adong na manuan ittor marpabue?

Misal nga olo be hita laho mulak tu huta. Naeng mamulai sada usaha ma. Pasti adong do muse pingkiran ta. Sadia leleng ma annon boi uttung usaha ta i. Sotung na gabe rugi do.

Alai manang songon dia pei, sude usaha mulak tu hita do. Sadia gogo hita lao karejo dohot martangiang.

Mura do nian mandongkon, alai botul do kan?

Olo do hita mangulahon manang daong?

10 Alasan Boasa Pangaratto Maol Mulak Tu Huta - Sumber Gambar akbaralatas.com

Sumber Gambar akbaralatas.com

7. Maralo Tu Keluarga di Huta

Pasti sada sungkun-sungkun na mansai balga maon. Tu kelurga parjolo. Boasa mulak tu huta?

Aha na ni gulut mu dihuta?

Tano dohot jabui do?

Hahaha, ima annon hata ni jolma na jempet pingkiran na. Sabotul na na manungkun i do na mamingkiri tano dohot jabui.

“Molo nunga tabo do ngolu na dikota, marhua be mulak tu huta?”, ima sada sungkun-sungkun na parjolo ingkon hita alusi. Ala molo sian pamerengan ni jolma na di hutai. So adong pe hita dihuta tong do mangolu sude angka jolma na disi.

Hahaha, botul do kan?

Alai maju do manang daong.

Selanjutna, keluarga ta sandiri ma na porlu hita lean pengertian. Apalagi molo nga markeluarga. Ingkon ta lean pengertian tu tarlumobi tu anak dohot boru. Ala sada na mansai mao doi. Molo ingkon mangulahi halaki singkola dihuta dohot mamulai pardonganon.

10 Alasan Boasa Pangaratto Maol Mulak Tu Huta - Sumber Gambar purpleheart.wordpress.com

Sumber Gambar purpleheart.wordpress.com

8. Hita Jolma Na Margogo

Om me memang alasan na mansai porlu hian hita banggahon. Molo nunga jago do posisinta dikarejo. Jala hita jolma na mansai porlu do di lingkungan ta. Sada na maol molo mulak tu huta on.

Alana um balga muse tanggung jawab na. Um godang jolma na ingkon hita lean pengertian asa boi hita mulak tu huta.

Alana alasan na lao mulak marsipature huta ta be on. Dang sude angka pengaranto olo mangulahon on. Alai molo boi hita berhasil mangalean pengertian i. Dang menutup kemungkinan lam tamba angka dongan ta na olo mulak tu huta marsipature huta na be.

10 Alasan Boasa Pangaratto Maol Mulak Tu Huta - Sumber Gambar infoklasika.print.kompas.com

Sumber Gambar infoklasika.print.kompas.com

9. Gabe Hata

Sada alasan na hampir sama nian on dohot maila. Alai adong saotik perbedaan na. Na mansai ringkot. Molo maila i ima alasan sian dirinta. Ala molo “gabe hata” on ima alasan sian halak.

Gabe hata on dang holan mambaen hita maila. Alai um balga sian i. Ima “mabair”. Alana mulak tu huta on hita mambangun sude sian nol. Masa-masa na marhoi-hoi sian nol tu berhasil I pasti do gabe hata.

Alai taralusi do sude I annon dung tarida parbue na. Na mamette sampe marpabue on ma hita porlu gogo.

10. Dang Adong Niat

Sangaja maon dibaen gabe alasan na parpudi. Ala sian sude angka alasan na diginjangi. Holan adong pe niat ta be lao mulak tu huta. Manang aha pe taho masalah na. Pasti do hita ingkon mulak tu huta.

Songon na tadok nangkin di ginjang. Justru alani angka masalah i do hita gabe mulak tu huta.

Botul?

Sude alasan na diginjangi ima alasan sian angka dongan dohot natua-natua na rampak mangolu dope di kota. Nang pe nian adong dope angka alasan na asing. Alai 10 alasan boasa pangaratto maol mulak tu huta na di ginjangi. Ima na mansai jelas tarida.

Jadi andigan hita olo mulak tu huta?

Unang lupa dibagihon di akka sosial media ta ateh. Molo adong naeng manungkun ba dibaen di kolom komentar na ditoru dah.

Mauliate

Anggiat ma marlapatan.
Las roha boi marsiurupan.

Horas

Boasa godang na hasea di pangarantoan
Ale huta na be dang adong kemajuan

Martabe dang pola nian marsipaboaan
Jadi anggiat ma nian hita marsiurupan

Tembalang, Semarang
03:35 WIB 27 Juni 2016
2016/06/27/6-255
Tulisan Kita                                                                                 

Gambar Sian :
Karya Kita
aidafitria-gunadarma.blogspot.com niluluan pukul 10:12 WIB na diari Senin, 27 Juni 2016
akbaralatas.com niluluan pukul 10:12 WIB na diari Senin, 27 Juni 2016
anakbertanya.com niluluan pukul 10:12 WIB na diari Senin, 27 Juni 2016
farouqrosyadi.blogspot.com niluluan pukul 10:12 WIB na diari Senin, 27 Juni 2016
infoklasika.print.kompas.com niluluan pukul 10:12 WIB na diari Senin, 27 Juni 2016
log.viva.co.id niluluan pukul 10:12 WIB na diari Senin, 27 Juni 2016
mediabnr.com niluluan pukul 10:12 WIB na diari Senin, 27 Juni 2016
m.suaradesa.timesindonesia.co.id niluluan pukul 10:12 WIB na diari Senin, 27 Juni 2016
oka-oin.blogspot.co.id niluluan pukul 09:31 WIB na diari Rabu, 02 Nopember 2016
plus.google.com niluluan pukul 10:12 WIB na diari Senin, 27 Juni 2016
purpleheart.wordpress.com niluluan pukul 10:12 WIB na diari Senin, 27 Juni 2016
www.renunganhariankristen.net niluluan pukul 10:12 WIB na diari Senin, 27 Juni 2016

Tentang Kita
Twitter :
kekitaan_
Line :
@kekitaan
Facebook :
Kekitaan Kita
Google+ : Kekitaan Kita
Youtube : Kita/
Linkedin : kekitaan_
Pinterest : kekitaan_
Instagram : kekitaan_

Tinggalkan Balasan

Alamat email Anda tidak akan dipublikasikan. Ruas yang wajib ditandai *